हमरे बारे में

स्व. रवीन्द्र श्रीवास्तव “जुगानी भाई” आकाशवाणी गोरखपुर के सेवा निवृत्त कार्यक्रम अधिकारी रहलें। जुगानी भाई नाम से मशहूर डा. रवीन्द्र नाथ श्रीवास्तव पर दी. द. उपाध्याय गोरखपुर विश्वविद्यालय के हिन्दी एवं आधुनिक भारतीय भाषा तथा पत्रकारिता विभाग में शोध प्रबंध प्रस्तुत हो चुकल बा। आप आकाशवाणी गोरखपुर खातिर 500 से अधिक लघु नाटिका के लेखन-निर्देशन भी कइले रहलीं।

जुगानी भाई के उ. प्र. हिन्दी संस्थान से लोकभूषण सम्मान, वर्ष 2013 में विद्याश्री न्यास के आचार्य विद्यानिवास मिश्र स्मृति सम्मान आ विद्यानिवास मिश्र लोककला सम्मान प्राप्त भईल। उनकर रचना ‘मोथा अउर माटी’, ‘गीत गांव-गांव के’, ‘नोकियात दूब’ आ ‘अखबारी कविता’ जइसन कृतियन से भोजपुरी की थाती बढ़उले बाटें।

श्री रवीन्द्र श्रीवास्तव के उ. प्र. हिन्दी संस्थान वर्ष 2015 के भिखारी ठाकुर सम्मान दिहले रहल। उनके वर्ष 2001 में संस्कार भारती, 2002 में लोकभूषण, 2004 में भोजपुरी रत्न, 2009 में सरयू रत्न, 2011 में पं. श्याम नारायण पांडेय सम्मान आ 2012 में राहुल सांकृत्यायन पुरस्कार मिल चुकल बा।

आप दिनांक 14 फ़रवरी 2025 के एह नश्वर शरीर के छोड़ के अनंत यात्रा पर प्रस्थान क गईलीं।